إطلاق الموقع الالكتروني الجديد للمُكرَّم البطريرك إسطفان الدويهي

تُعلن مؤسسة "البطريرك إسطفان الدويهي" عن إطلاق موقعها الإلكتروني الرسميّ بِحلة جديدة على شبكة الإنترنت

شعر: جورج عرب ، لحن: ا. يوسف طنوس

نشيد البَطْرَيركْ إِسْطْفَانْ الدويهي

* بْقَادِيشَا البَطْرَكْ إِسْطْفَانْ كَمَّلْ مَجْدِ القِدِّيسِينْ مَعْ شَعْبُو عَاشِ بْإِيمَانْ بْقُوِّةْ أَللَّـهْ مَحْرُوسِينْ

   وْبَـيُّ وْقَايِدُ وْمِلْـفَانْ قَوَّى قْلُوبِ الـمَقْهُورِينْ وِانْعَطَى مَجِدْ لِبْـنَانْ  وْيَلاَّ لْمَجْدِ القِدِّيسِينْ

- كِلِّ الْ صَلَّى بْقَنُّوبِين تْعَرَّفْ عَ البَطْرَكْ شَافُو حَامِلْ هَمِّ الـمَتْعُوبِينْ يْشَجِّعْ كِلِّ الْ بِيخَافُوا

   يْعَزِّي قْلُوبِ الـمَحْزُونِينْ وْيِحْمِلْ هَمُّنْ عَ كْتَافُو  وِانْعَطَى مَجِدْ لِبْنَانْ وْيَلاَّ لْمَجْدِ القِدِّيسِينْ

- سَافَرْ عَ رُومَا لِلدَّرْسْ يْشُوفِ العَالَمْ وِعْـلُومُو وْلِمْ عِمْيُو عْيُونُو مْنِ البَحْسْ اْسْتَنْجَدْ بِالعَدْرَا تْقِيمُو

   وْمِن عَتْمِةْ عِينَيهِ الحَبْسْ الْ كِتْرِتْ عَ بْوابُو هْمُومُو أللَّه قَوَّالُو الإيمَانْ وتْمَجَّدْ بِالقِدِّيسِينْ

- وْنَدَرْ لِلعَدْرا وْقَـلاَّ بَدُّو يِرْجَع عَ بْلادُو يْمَلِّيهَا بْكِلْـمِةْ أَللَّـهْ وِيخَـلِّي الكِلِّ وْلادُو

   وْلِمِّنْ عَلَّمُ وْصَـلَّى تابُوا اللّي كانُوا حادُوا وْعَلاَّ عَ الصَّخْرِ الإيمَانْ وْكَتَّر جَوقِ القِدِّيسِينْ

- وْأللَّه لْ وافِي بِوْعُـودُو رَدُّو لْفَـيِّةْ قَـنُّوبِـينْ يْعَبِّي الوادِي مْنِ وْرُودُو  بْعِطْرِ مْعَتَّقْ عُمْرُو سْنِينْ

   وِينَادِي شَعْبُو يْـعُودُوا بْصَرْخَهْ وَاحْدِهْ فِرْحَانِينْ وِانْعَطَى مَجِدْ لِبْنَانْ وْيَلاَّ لْمَجْدِ القِدِّيسِينْ

- جِينَا لْعِنْدَكْ بَطْرَكْنَا صْرَخْنَا بِالصَّوتِ العَالِي عْطِينَا النِّعْمِهْ بَارِكْنَا وْبَـارِكْ لِبْـنَانِ الغَالِي

   وَقْتِ الشِّدِّهْ سَاعِدْنَا وْخَلِّي السَّلامِ يْـلالِي بْيِلْبَقْلَكْ مَجِدْ لِبْنَانْ وْيَلاَّ لْمَجْدِ القِدِّيسِينْ

Contact

Ehden - Zgharta Parish Center

Zgharta, North Lebanon

Phone: +961 6 660 230

Email: info@ehdenz.com

Social

Copyright © 2020 by Patriarch Estephan Douaihy Association. All rights reserved.